I forbindelse med båtmessa i Florø lørdag, vert det Elton John for alle penga på Haavebua, når Kjetil Grodås & The Mansfield Band entrar scena. Dei har spesialisert seg på å tolke han som mange meiner er ein av verdas største entertainarar.
Siden debuten i 2004 har ballen rulla styggfort for Grodås og The Mansfield Band, med utselde kulturhus og endelause superlativ i pressa. Sunnmørsposten skreiv følgjande etter ein konsert:
Hadde vi brukt terningkast, hadde vi gitt ein seksar. For den halvannan time lange konserten Kjetil Grodås og band heldt i Stryn Kulturhus laurdag kveld, var ei musikalsk og kvalitetsmessig oppleving av dei sjeldne.
Rockeklubben lovar ein minneverdig kveld på Haavebua, og røper at publikum mellom anna vil få oppleve ein duett med Grodås og ein av Florø sine kvinnelege vokalistar.
Kjetil Grodås kjem frå Hornindal, og er oppvaksen i ein musikalsk familie. Han har spelt orgel, piano, keyboard og trompet sidan han var veldig ung, i tillegg til å synge i kor. Han har studert Elton John sin musikk lenge, og kan så å seie heile repertoaret hans, i følgje www.eltontribute.no
|
