2003 Pegasus 26. des

Pegasus - Skreddarsydd kjempestemning

261203 Pegasus vokal
LIV: Vokalistane Janne Linn Myren (t.v) og Annika Myklebust og resten av det røynde mannskapet i Pegasus sørgde for kjempestemning frå første akkord på Haavebua 2. juledag. Foto: Dag Magne Knapstad

FLORØ: Ikkje uventa var Pegasus-billettane mykje verdt 2. juledag. Det var tidleg fullt hus, og rockeklubben sitt eige band Pegasus skuffa ikkje.

2. juledag er ein av Pegasus sine faste, men for sjeldne konsertar i Florø. Slagarar frå 80- og 90-talet tetta dansegolvet som ein membran frå første akkord. Fleire vi var i kontakt med hevda bastant at Pegasus overgjekk originalane frå scena denne gongen. Med eit stort innslag av Florøfolk heime på juleferie vart mimringa på sett og vis levande. Hits og andre godlåtar frå dei to siste tiåra gjorde at vi var vitne til ei "absolute" plate med musikk frå ungdomstida til dei fleste festkledde i saltebua denne kvelden. Pegasus viste også at dei klarar å fornye seg. Sjølv om dei ikkje har hatt all verda av tid til øving på førehand, trilla den nye hit'en ut etter den andre. Det vitnar om musikalsk kompetanse.

Erlend Eidsvik som vanlegvis gøymer seg bak tangentane, utfylte jentevokalane då han tok tøffe tak i pyjamas og var Lars Lillo i sjel og sinn. Likevel er jentene i front det som skil Pegasus frå andre coverband.

Høgdepunktet denne gongen var "It's raining men" med "The weather girls".

Dag Frøyen
Telefon: 57 75 73 16
Mobiltelefon: 916 08 361
Denne e-postadressen er beskyttet mot programmer som samler e-postadresser. Du må aktivere javaskript for å kunne se den.

261203_Pegasus
TØFF: Erlend Eidsvik som også speler i kultbandet Turbostipend fekk nyte rampelyset under mellom anna "Tøff i pyjamas" av deLillos. Foto: Dag Magne Knapstad

 

 

2003 Album

Gamle helter ruster ikke!

271203_Album

Album - desember 2003. Album viste nok en gang at de har det som skal til for å skape en helt spesiell nostalgistemning på Haavebua. Med sine klassiske valg av kremlåter fra en svunnen tid klarte de å skape en utrolig fin stemning på bua denne kvelden. For anledningen hadde Album27 i tillegg til den faste besetningen fått med seg Ian Cassels på vokal. Mannen er jo en soulsanger av ypperste merke. (Joe Cocker , Go home !!) Særlig fremhever vi Isn`t she lovely av Stevie Wonder som en innertier. At det var 250 betalende denne kvelden viser jo at Album absolutt har noe å komme med også i 2004.


2003 Musikkfestivalen

Stor bredde i årets musikkfestival

FP-Festival-2003
Humor, musikk og lyrikk på opningsdagen, tradisjonsrik irsk musikk på fredag og ein avslutningsdag via til den yngre garde, er ideen til årets festivalprogram frå Florø Rockeklubb.

Vibeke Saugstad er klar for Florø. Ho er ein av norsk rock sine lovande figurar og er ute med ny plate.

Torsdag 19. juni vert det show med Arne Hjeltnes, Jørn Hoel, Steinar Albrigtsen og Sjur Hjeltnes på Samfunnshuset, i tillegg til Frode Alnæs Band med konsert på Haavebua. Fredag den 20. vert det irsk musikk på Haavebua med The Greenland Whalefishers og The Woods Band. Laurdag 21. er det klart for konsert med Thomas Dybdahl og Vibeke Saugestad på Haavebua.

Breidda skulle absolutt vere til stades ved årets festival. Noko for einkvar smak., seier Tor Hjalte, leiar for Florø Rockeklubb.

Den eine dagen blir heilirsk med norske The Greenland Whalefishers som oppvarming og deretter The Woods Band frå Dublin. Bandet består av seks særdeles rutinerte musikarar.

Frontmannen Terry Woods er etter kvart ein legende i det irske musikkmiljøet. Han har vore med The Dubliners og The Pouges ved ulike høve, og dette skulle definitivt vere eit kvalitetsstempel på kva vi har i vente, seier Hjalte.

.Med andre ord ein festkveld i tradisjonell irsk ånd. Siste kveld er via til nyare norsk musikk. Thomas Dybdahl er rekna som det nye store norske håpet innan den litt melankolske sida av popmusikken. Til slutt, men ikkje minst, ei skikkeleg rockedame. Vibeke Saugestad, tidlegare vokalist i bandet Weld, kjem med sitt nye band.

 

 

2003 De Lillos

De Lillos leverte
Haavebua, Lørdag 8. November.

FLORØ: Frå det sekundet deLillos starta å spele til dei gjekk av scena over to timar seinare, var det fullt trøkk og allsong på Haavebua.

081103-De-Lillos
Foto: Dag knapstad

Laurdag fekk Florø-publikummet oppleve ein klassisk deLillos-konsert der slagarane kom ein etter ein som perler på ei snor: "Min baby drog av stad", "Neste sommer", "Smak av honning", "Kokken Tor" og alle dei andre kjende og kjære songane. Bandet spelte i tillegg ein del nye songar frå albumet som kjem om ein månad, men Lars Lillo-Stenberg skjønte fort at publikum helst ville ha kjende songar som dei kunne syngje med på.
Bandet heldt på i imponerande to og ein halv time, og publikum rocka og song med heile vegen. Det imponerte sjølvaste Lillo-Stenberg. "Eg likar meg verkeleg her!" meddelte han publikum over mikrofonen.
deLillos-gutta fengde publikum frå første låt og heldt trykket gåande like til konserten var over. Men publikum gav seg ikkje med det, bandet vart kalla tilbake for ekstranummer og vill jubel.
Florø er heilt tydeleg ein deLillos-by, og bandet har vore her fleire gonger tidlegare. Bandet ønskte sjølv å komme tilbake til byen, og nølte ikkje då Roceklubben inviterte dei til jubileum.
Konserten denne laurdagen var utseld fleire dagar på førehand, og etter ein slik suksess blir det nok ikkje lenge til bandet kjem attende til Haavebua.

Firdaposten.  11.10.2003  Linda Regina Bruvik


081103-De-Lillos
Frå det sekundet deLillos starta å spele til dei gjekk av scena over to timar seinare, var det fullt trøkk og allsong på Haavebua
Foto: Dag M knapstad

Dette er skrevet om 10 års jubileet



081103-De-Lillos
Postboks 520, 6901 Florø
Tlf: 40 40 20 05,    E-post: Denne e-postadressen er beskyttet mot programmer som samler e-postadresser. Du må aktivere javaskript for å kunne se den.

© Linken

2004 Vamp

15. oktober, 2003
Vamp på sitt beste

FLORØ: Dei 300 som tok turen til Haavebua onsdag kveld fekk valuta for pengane. Vamp sine musikalske trollmenn briljerte med sine mange instrument.

Øyvind Staveland  (Foto: Jon Holsvik Sørland) 

Vestlandsbandet utfordra den djupaste basstrengen til sjela, og dei høgste fløytetonane som trommehinna kan fange. Dei vandra frå urrock til lettare melodiøse perler, og spelte dei aller mest kjende vamplåtane, men også ei rekkje frå den siste plata, Månemannen.

Øyvind Staveland, Torbjørn Økland, Vidar Johnsen og Calle Apeland står fjellstøytt på si musikalske plattform. Dette er musikarar av høg klasse, og dei torer stort sett gjere som dei vil. At dei er så trygge smittar over på dei frammøtte, og stemninga i Haavebua var upåklageleg. Denne gongen var det konsert i ordets rette betydning. På dansegolvet stod borda tett, og det modne publikummet fekk det dei kom for: Sjeldan god variert godlyd pakka ut av eit ekte vestlandsk folkrockband. Presis klokka ni starta Vamp konserten, og etternølarane som i fast Florøtradisjon kom diltande etter ein liten time seinare, fekk seg nok ein aldri så lita overrasking.

Firdaposten. 15.10.2003   Jon Holsvik Sørland


2003 Ti år med rock

Ti år med rock
Av: Dag Frøyen

FLORØ: Florø Rockeklubb feirar 10-års jubileum med årets Florø Musikkfestival. I morgon brakar det laus med arrangement både på Haavebua og Florø Samfunnshus.
180603-FP-10ar-m-Rock-FP
ROCK I TI ÅR: Styret i Florø Rockeklubb (ikkje i rekkefølge) Janne Linn Myren , Line Sundal, Per Vidar Ottesen, Tor Hjalte, Geir Høyvik, Torstein Moe, Tor Albrigtsen , Per Helge Skarstein. Dag Magne Knapstad, Reidar Brandsberg. Charlotte Nygård (Styremedlem) var ikkje tilstades då bildet vart tatt. (Foto: Dag Frøyen)

ROCK I TI ÅR: Styret i Florø Rockeklubb (ikkje i rekkefølge) Janne Linn Myren , Line Sundal, Per Vidar Ottesen, Tor Hjalte, Geir Høyvik, Torstein Moe, Tor Albrigtsen , Per Helge Skarstein. Dag Magne Knapstad, Reidar Brandsberg. Charlotte Nygård (Styremedlem) var ikkje tilstades då bildet vart tatt. (Foto: Dag Frøyen)
Det har vore mykje blod sveitte og tårer for gjengen som har sytt for gode grovilkår for live-musikk i kystbyen dei siste ti åra. For det er musikkfrelste folk som ikkje får ei krone attende for arbeidet dei legg ned. Her er det rock for alle penga og løn i eit godt musikalsk og sosialt miljø.

Rockeklubben vart starta i november 1993 av kameratane Per Vidar Ottesen, Leif Skudal, Tor Albrigtsen og Geir Høyvik. Organisasjonen har sidan starten vore av flat oppbygning. Dei ville ha meir rock og levande musikk og jobba for det. Det første arrangementet hadde dei på Windjammer, men etterkvart flytta dei ut i Haavebua. Det var før Quality Hotell var bygd og då Haavebua berre var ei saltebu utan fasilitetar vi er vande med når vi skal ein tur på byen.

Dei måtte ha eit 80 kilowatts "ko-koverk" (dieselaggregat) for å halde varmen. Bua var ikkje isolert, og om vinteren opplevde dei snø på golvet som pressa seg inn frå veggane. Toalettet måtte dei bygge sjølve av ei toalettbrakke. Den var for gutane. Jentene måtte nytte toaletta til Florø gjestehamn, eit steinkast, gjerne gjennom snøføyka. Den gongen sytte rockeklubben for heile arrangementet. Dei hadde ambulerande skjenkeløyve og bygde barane sjølve. No har Haavebua ein heilt anna standard og skjenkinga er meir eller mindre "outsourca".

I 1996 vart Rockeklubben Eiendomselskap skipa. Det ærverdige Kinnhuset vart Rockeklubben sin første eigedom. Her har dei leilegheiter for å dekke kostnader og rockekjeller til lukka og mindre arrangement. Som regel er banda som speler på arrangementa deira på kvelden med på dei legendariske og heftige nachspiela i rockekjellaren på natta. Klubben har også gjennom åra fått ei stor stjerne blant bookingbyråa i landet, og eit godt rykte på seg for å ta god hand om artistane som kjem tilbake år etter år.

Prinsippet til rockeklubben er at økonomien skal gå i null. Av og til har dei underskot på arrangementa sine, men dette blir retta opp etter den årlege festivalhelga. Elles får dei støtte av lokale sponsorar som har sett at Rockeklubben er ein viktig kulturberar i Flora kommune.

Dag Frøyen, Firdaposten
57 75 73 16
Denne e-postadressen er beskyttet mot programmer som samler e-postadresser. Du må aktivere javaskript for å kunne se den.
li

2003 L.O.F.F

22. Februar, 2003
L.O.F.F

220203_LOFF

L.O.F.F. "Luxury Of Feeling Fine" varma opp for Hayseed på Haavebua. Og dei var heilt i hundre etter dei gjekk frå scena etter klappsalver og krav om ekstranummer. Foto Dag Frøyen

Etter tilbakemeldingene å dømme så blir det definitivt ikke siste gang L.O.F.F eller Luxury Of Feeling Fine som de heter blir å høre på Haavebua. Med et knippe selvkomponerte låter imponerte de stort på lørdagens opptreden før Hayseed. Jentene har definitivt funnet formelen som skal til for å produsere iørefallende melodiperler. Ikke ulikt artister som Ephemera og Unni Wilhelmsen. Med en sjarmerende sceneopptreden og glitrende låtmateriale vil vi nok høre mer fra disse i tiden som kommer.

Tor Hjalte 24.02.2003

Les meir om gruppa.