Stor bredde i årets musikkfestival

Humor, musikk og lyrikk på opningsdagen, tradisjonsrik irsk musikk på fredag og ein avslutningsdag via til den yngre garde, er ideen til årets festivalprogram frå Florø Rockeklubb.

Vibeke Saugstad er klar for Florø. Ho er ein av norsk rock sine lovande figurar og er ute med ny plate.

Torsdag 19. juni vert det show med Arne Hjeltnes, Jørn Hoel, Steinar Albrigtsen og Sjur Hjeltnes på Samfunnshuset, i tillegg til Frode Alnæs Band med konsert på Haavebua. Fredag den 20. vert det irsk musikk på Haavebua med The Greenland Whalefishers og The Woods Band. Laurdag 21. er det klart for konsert med Thomas Dybdahl og Vibeke Saugestad på Haavebua.

Breidda skulle absolutt vere til stades ved årets festival. Noko for einkvar smak., seier Tor Hjalte, leiar for Florø Rockeklubb.

Den eine dagen blir heilirsk med norske The Greenland Whalefishers som oppvarming og deretter The Woods Band frå Dublin. Bandet består av seks særdeles rutinerte musikarar.

Frontmannen Terry Woods er etter kvart ein legende i det irske musikkmiljøet. Han har vore med The Dubliners og The Pouges ved ulike høve, og dette skulle definitivt vere eit kvalitetsstempel på kva vi har i vente, seier Hjalte.

.Med andre ord ein festkveld i tradisjonell irsk ånd. Siste kveld er via til nyare norsk musikk. Thomas Dybdahl er rekna som det nye store norske håpet innan den litt melankolske sida av popmusikken. Til slutt, men ikkje minst, ei skikkeleg rockedame. Vibeke Saugestad, tidlegare vokalist i bandet Weld, kjem med sitt nye band.

22. Februar, 2003
L.O.F.F

Etter tilbakemeldingene å dømme så blir det definitivt ikke siste gang L.O.F.F eller Luxury Of Feeling Fine som de heter blir å høre på Haavebua. Med et knippe selvkomponerte låter imponerte de stort på lørdagens opptreden før Hayseed. Jentene har definitivt funnet formelen som skal til for å produsere iørefallende melodiperler. Ikke ulikt artister som Ephemera og Unni Wilhelmsen. Med en sjarmerende sceneopptreden og glitrende låtmateriale vil vi nok høre mer fra disse i tiden som kommer.

Tor Hjalte 24.02.2003

Les meir om gruppa.

Råtøft av Hayseed

Florø: Terje Kjørlaug og Bandet Hayseed varta opp med rock av beste merke på Haavebua laurdag.

EENERGISK: "With strings upsidedown for a lefthanded genius" Terje Kjørlaug og bandet Hayseed var i hundre på Haavebua laurdag. (Foto: Dag Frøyen)
Hayseed er eit band som framleis ikkje har platekontrakt. Dei ligg i vasskorpa og vakar, og etter konserten laurdag å dømme bør kvartetten signerast med det første. Sjølv om det er mange om beinet i denne sjangeren, har Hayseed utvilsomt eigenart. Det Terje Kjørlaug sine seks strengar skaper er så tøft at du blir heilt fanga. Sjølv om han kunne ha halde publikum i Florø fanga ein time med gitarsoloar, tok han ikkje av. Uttrykket var balansert og tett, og vokalist Morten Fredheim har ei stemme og ei utstråling vi sjeldan har opplevd frå ei scene i Florø. Og ja, sceneshowet speler ei stor rolle. Og laurdag vart vi rivne med.

Eige best
Det var dessutan dei eigenproduserte låtane som gjorde størst inntrykk. Nokre av låtane til Hayseed minner ein del om det livebandet framfor nokon i Bergen, "Yee ha wanna have a Baba", gjorde midt på 90-talet. Berre noko meir rocka, og med større gitarressursar.

Sjølv om Hayseed leverer varene, så var det skuffande at berre 130 hadde funne vegen til Haavebua denne laurdagen. Det kunne verke meir ettersom alle var pakka kring bandet på scena. Det betyr at Rockeklubben går i tap. Vi måtte hatt kring 160 betalande for å gå i null, så det vart raude tal, måtte formann i rockeklubben, Tor Hjalte, vedgå.

Satsar
Sjølv om dei fire i Hayseed speler mykje, klarar dei ikkje å leve av musikken åleine. Dei er likevel budde om kontrakten skulle komme flytande.
Vi har alle jobbar utanom for å ha til salt i maten, men vi er budde på å satse for fullt om høvet skulle melde seg, seier bassist Endre Hallre. Å endre profil for å tekkast plateselskapa gjer dei likevel ikkje. Vi bygger stein for stein og blir signa på nytt om vi gjer gode jobbar, fortel Kjørlaug som syntes det var artig å spele i Florø igjen.
Det var jævlig kjekt, men litt spesielt. Eg blir litt smånervøs når eg skal spele heime når eg kjenner så mange i publikum, seier han, godt nøgd av jobben. Vi gjekk i alle fall frå Haavebua med ei kjensle av at beinmargen hadde fått etterlengta massasje. Ein rus eg trygt kan anbefale dei som køyrer bil.

Dag Frøyen 57 75 73 16 (Denne e-postadressen er beskyttet mot programmer som samler e-postadresser. Du må aktivere javaskript for å kunne se den.)
Firdaposten/Lokal kultur 24.02.03

Alnæs i toppform på Haavebua

FLORØ: Var du ikkje på Haavebua torsdag kveld, gjekk du glipp av ei musikkoppleving av dei store. Frode Alnæs med vener gav dei frammøtte ein kveld dei seint vil gløyme.

Foto Dag Magne Knapstad
I FORM:
Frode Alnæs var i storform på Haavebua torsdag, og viste publikum korleis ein verkeleg skal behandle ein gitar. (Foto: Kjartan Hjermann Døhlie)
Forutan Alnæs sjølv på gitar, hadde han med seg eit sikkert og dyktig band på bass og trommer, altså klassisk rockeband-oppsetjing. Konserten byrja litt tregt, med eit litt uengasjert publikum og tekniske problem frå bandet si side. Men det tok seg verkeleg opp.

Utruleg gitarist
Dei om lag 200 frammøtte byrja etter kvar både å danse og å rocke, og såg ut til å ha det upåklageleg. Frode Alnæs er ein fantastisk gitarist. Han spelar rolege balladar, irskinspirert musikk, blues, jazz og rock. Alnæs spelar gitarsoloar som gir assosiasjonar til 60- og 70-talet, og gitarheltar som Jimi Hendrix og Robin Trower. Han kan skape lyd på dei aller merkelegaste måtar. Blant anna ved å kutte gitarstrenger og ved å føre ølglas frå publikum langs gitarhalsen. Alnes spelte både coverlåtar og eigne låtar, og meistrar alt like bra.

Gjester
Då ein energisk Arne Hjeltnes entra scena med ein gjesteopptreden, og framførde ein blues om bakrus og eit dikt om alle gutar sin draum, Månestråle, gjekk stemninga verkeleg i taket. Såpass at straumen gjekk.

Er det Helse Vest som er på ferde igjen, høyrde vi frå salen.
Mens dei venta på Steinar Albrigtsen, måtte publikum greie seg med Rockeklubben sin eigen Albrigtsen Tor på munnspel. Noko som absolutt ikkje var ein dårleg måte å slå i hel tida på. Steinar Albriktsen entra scena på Dance with a Stranger-låta Everybody needs a friend sometime. Vi sakna ikkje Elg. Med Frode Alnæs sin hylande gitar og ein Steinar Albrigtsen i kjempeform på vokal vart Jimi Hendrix sin Little wing verkeleg eitt av høgdepunkta. Eit anna høgdepunkt var då den lokale helten Tor Hjalte song med dei to andre rockarane på låta Johnny B Good.

Trampeklapp
Etter den nesten to timar lange konserten ville publikum ha meir, og Alnæs gjekk av scena til trampeklapp og tillropa: Frode, Frode, Frode. Ingen tvil om kven som var gitarhelten i Florø torsdag.

Firdaposten 20.06.2003: Kjartan Hjermann Døhliere Denne e-postadressen er beskyttet mot programmer som samler e-postadresser. Du må aktivere javaskript for å kunne se den.

Ti år med rock Av: Dag Frøyen FLORØ: Florø Rockeklubb feirar 10-års jubileum med årets Florø Musikkfestival. I morgon brakar det laus med arrangement både på Haavebua og Florø Samfunnshus. ROCK I TI ÅR: Styret i Florø Rockeklubb (ikkje i rekkefølge) Janne Linn Myren , Line Sundal, Per Vidar Ottesen, Tor Hjalte, Geir Høyvik, Torstein Moe, Tor Albrigtsen , Per Helge Skarstein. Dag Magne Knapstad, Reidar Brandsberg. Charlotte Nygård (Styremedlem) var ikkje tilstades då bildet vart tatt. (Foto: Dag Frøyen) ROCK I TI ÅR: Styret i Florø Rockeklubb (ikkje i rekkefølge) Janne Linn Myren , Line Sundal, Per Vidar Ottesen, Tor Hjalte, Geir Høyvik, Torstein Moe, Tor Albrigtsen , Per Helge Skarstein. Dag Magne Knapstad, Reidar Brandsberg. Charlotte Nygård (Styremedlem) var ikkje tilstades då bildet vart tatt. (Foto: Dag Frøyen) Det har vore mykje blod sveitte og tårer for gjengen som har sytt for gode grovilkår for live-musikk i kystbyen dei siste ti åra. For det er musikkfrelste folk som ikkje får ei krone attende for arbeidet dei legg ned. Her er det rock for alle penga og løn i eit godt musikalsk og sosialt miljø. Rockeklubben vart starta i november 1993 av kameratane Per Vidar Ottesen, Leif Skudal, Tor Albrigtsen og Geir Høyvik. Organisasjonen har sidan starten vore av flat oppbygning. Dei ville ha meir rock og levande musikk og jobba for det. Det første arrangementet hadde dei på Windjammer, men etterkvart flytta dei ut i Haavebua. Det var før Quality Hotell var bygd og då Haavebua berre var ei saltebu utan fasilitetar vi er vande med når vi skal ein tur på byen. Dei måtte ha eit 80 kilowatts "ko-koverk" (dieselaggregat) for å halde varmen. Bua var ikkje isolert, og om vinteren opplevde dei snø på golvet som pressa seg inn frå veggane. Toalettet måtte dei bygge sjølve av ei toalettbrakke. Den var for gutane. Jentene måtte nytte toaletta til Florø gjestehamn, eit steinkast, gjerne gjennom snøføyka. Den gongen sytte rockeklubben for heile arrangementet. Dei hadde ambulerande skjenkeløyve og bygde barane sjølve. No har Haavebua ein heilt anna standard og skjenkinga er meir eller mindre "outsourca". I 1996 vart Rockeklubben Eiendomselskap skipa. Det ærverdige Kinnhuset vart Rockeklubben sin første eigedom. Her har dei leilegheiter for å dekke kostnader og rockekjeller til lukka og mindre arrangement. Som regel er banda som speler på arrangementa deira på kvelden med på dei legendariske og heftige nachspiela i rockekjellaren på natta. Klubben har også gjennom åra fått ei stor stjerne blant bookingbyråa i landet, og eit godt rykte på seg for å ta god hand om artistane som kjem tilbake år etter år. Prinsippet til rockeklubben er at økonomien skal gå i null. Av og til har dei underskot på arrangementa sine, men dette blir retta opp etter den årlege festivalhelga. Elles får dei støtte av lokale sponsorar som har sett at Rockeklubben er ein viktig kulturberar i Flora kommune. Dag Frøyen, Firdaposten 57 75 73 16 Denne e-postadressen er beskyttet mot programmer som samler e-postadresser. Du må aktivere javaskript for å kunne se den.li

Trøbbelrockarane gav alt på Haavebua

FLORØ: Johndoe gav alt på Haavebua laurdag, og publikum fekk oppleve rastlaus og svett rock'n'roll. At publikum svikta la ingen dempar på innsatsen.

STERK INNSATS: Johndoe gav bånn gass på Haavbua. (Foto: Linda Regina Bruvik)

Gutane er kjempebra live, og leverer eit eintimes sveitt, energisk og småpunka sceneshow med ekte, rein, rå og fengjande rock'n'roll.
Med songar som 24 timer, "Gi gass" og "Rastløs rock'n'roll" frå debutskiva leverer dei det publikum vil ha og meir til.
Johndoe har allereie opparbeidd seg ein solid fanskare etter å ha turnert Norge rundt og delteke på fleire sommarfestivalar, i tillegg til at dei etter å ha sleppt debutskiva si, Ja takk til trøbbel, er musikkritikarane sine nye yndlingar. Men størstedelen av florøværingane har tydelegvis ikkje høyrt om trøbbelrockarane frå Trondheim, og berre 90 kjøpte billett på Haavebua laurdag. Sjølv om det var tynt med folk framfor scena, så var det ein del ihuga fans til stade, som kunne alle tekstane og som gav bandet på scena meir energi gjennom å synge og rocke med.

Firdaposten. 11.10.2003 Linda Regina Bruvik
Sjå deira heimeside www.johndoe.no